Chasal 11th June 2022 salmario kaichisa sanmungno twiwi Bugrakhor Agulini lahar kwlwisariui Hastepha Shri Satyadeo Narain Arya-ni thani deputation rilaikha CPI(M) bodolni GMP tei TYF bedek. Aro-o phaiwi manjak phaikha CPI(M) bodolni haste Tangphang Jitendra Chaudhary, GMP-ni Tangphang Radhacharan Debbarma tei Kwcham Montri Okra Manik Sarkarno khobwi CPI(M) bodolni kubun ojamarog.

Kaichisa sanjakmanirogno dati dati rinani bagwi khorang tisakha CPI(M) bodol. Aroni bisingo tongo- Constitution 125 Bill-no Amendment khwlaiwi datino implement khwlainani, Kokborokno 8th Scheduled dati dati sitoknani, akorog. Phiyaba aswk bisi kolokma romwi CPI(M) Haste tei TTAADC haphango tongphurukhai tangwi khwlailangliya abono twiwi wansuklaiwi mwlang chalaijak hasteni sinai nuknairog.

GMP TYF ni deputation ni sanmungrog wngkha –

1. 125th Constitution Amendment Bill no pass khaiwi ADC no teibo phan rina wngthung.
2. Kokborok no Constitutionni 8th Schedule o dana wngthung.
3. 10323 Sebuk kwmanai rokno dakti dakti sebuk phirokna.
4. CAA Bill no rosai nana.
5. Hasteni joto sebukni achukthaino dakti dakti supungna. ETC