Bangte bangte teibo bangrwrwk HIV positive manjaknai Tiprasa siklarog. Obohaino nukjakha Khumlwngo khorokchibrwi siklarogni sak o.
Khorok nwichibrwi borokni test khwlaithani khorok chibrwi HIV positive manjakha. Belaino high rate positive manjakmani nukjakha.
Tiprasarogni bising tabuk belaino drugs use khwlaima nukjago, sikla sikilirog o hamya manwibai belaino gwdaljak, kaisa injection syringys no waikwbang samungo phwnangma bagwi khoroksa borokni tei khoroksao thwini bisingi HIV solowi kwbangmani thani sogwio, obohaikheno HIV solote-solote bangrwk tongkha.
Omoni yakni kakna bagwi buma-bupha hinjaknai sakni bwsasongno kahamkhe naikolnani nango.
Sinai akonai borokrog belai wanajak tabuk Tiprasani thinang boro sogwino hwnwi, tamo hinkhe siklarogsi thinang.
